اريد اسال كمر خدك...............شمس بيك
شصبح بيك محبوبي.............شمسيك
فراشه وما تحمل المس...........شمس بيك
ترف وتذوب لو جستك بيديه
***************************************
بياضك يا حلو صاير.............وفر بيك
مثل محبس صرت بيدي......وفر بيك
ابوكك من حضن امك.......وفر بيك
واروحن بيك لطراف الوطيه
*****************************************
لذت خطار برموشك...................وشعراك
اهيم من اسمع انغامك..........وشعراك
اريد الفت نضر عينك.............وشعراك
بلكي تجود وتسير عليه
******************************************
عرك خجلان كلبي ................صار كصه
بسبب هوه وجمالك.............صار كصه
شرايد كلبي اكصه..............صار اكصه
واكص كلشي الك بس حن عليه
*******************************************
الكمر من شاف وجناتك..............وقف لك
الثريا والشمس صارن...............وقف لك
اضمنك وسط كلبي ..............وقف لك
خاطر من تضيع الكاك بيه
******************************************
حبيبي انت وصرت للروح.................منهل
امنشوفك جني شفت العيد...........من هل
نسيت اشلون دمعي اعليك........من هل
سواجي وبلل هدومي عليه
.................علي الميالي....................